3 MILF rebels nalambat

CAMP AGUINALDO – Tatlong rebeldeng Moro Islamic Liberation Front (MILF) na pinaniniwalaang tauhan ni Commander Morklis ng Special Operations Group (SOG) ng 3rd Field Division, Bangsa Islamic Armed Forces ng MILF ang napaulat na nalambat ng mga elemento ng 58th Infantry Battalion (IB) ng Phil. Army saTuca Ambalong, Marawi City kahapon ng madaling-araw.

Kinilala ang mga rebeldeng nadakip na sina Mangontara Imam, 75; Akmad Sarip, 52 at Salik Ampuan, 13 na pawang miyembro ng 3rd Field Division, Bangsa Islamic Armed Forces ng MILF.

Sa ulat mula sa Camp Aguinaldo, nadakip ang mga rebelde dakong alas-4 ng madaling-araw matapos magsagawa ang tropa ng militar ng operasyon dahil sa impormasyong nakalap na may dumaong na mga rebelde sa dalampasigan ng naturang lugar. (Ulat ni Joy Cantos)