Ex-MILF, 2 pa todas sa ambus

Tinambangan at napatay ang dating kumander ng Moro Islamic Liberation Front, aide nito at barangay chairman ng mga hindi kilalang armadong kalalakihan na pinaniniwalaang mga rebeldeng Muslim sa magkahiwalay na lugar sa Maguindanao at Sultan Kudarat kamakalawa.

Kinilala ang mga nasawi na sina ex-MILF kumander Teng Mangya, 45; aide nitong si Mosel Makalay, 40, na kapwa MILF rebel returnees at Felix Marcos, brgy. chairman sa Brgy. Caridad, Lambayong, Sultan Kudarat.

Sa ulat na nakarating kahapon sa Camp Crame, napatay sina Mangya at Makalay dakong alas-4 ng hapon habang sakay ng motorsiklo sa kahabaan ng Brgy. Guanan, Sultan, Barongis, Maguindanao.

Si Marcos naman ay inambus at napatay habang sakay din ng motorsiklo sa kahabaan ng Lambayong, Sultan Kudarat bandang alas-11:30 ng umaga. (Ulat ni Joy Cantos)