Ex-soldier hinatulan ng 40 taon sa kasong rape

BACOLOD CITY – Isang dating Army soldier ang hinatulan ng korte ng 40 taong pagkakulong makaraang mapatunayang gumahasa sa sariling anak na babae sa loob ng motel may dalawang taon na ang nakalilipas.

Bukod sa hatol na apatnapung taon sa bilangguan ay pinagbabayad pa ni Regional Trial Court Judge Roberto Chiongson ng halagang P150,000 si Reynaldo Emperoa Velano, 48 sa 18-anyos na anak na dalaga.

Kinatigan ng korte ang paliwanag ng biktima dahil sa suportado ng physical at testimonial evidences ngunit binalewala naman ang isinumiteng alibi ng akusado dahil sa walang makitang anumang butil ng katotohanan sa isinagawang krimen. (Ulat ni Antonieta B. Lopez)