Club owner pinatay sa pagtangging magpa-table ng GRO

GAPAN CITY – Pinagbabaril hanggang sa mapatay ang isang may-ari ng Aslee videoke bar ng tatlong armadong kalalakihan dahil sa pagtanggi ng biktima na magpa-table ng babae sa mga suspek kamakalawa ng madaling araw sa Brgy. Sto. Cristo Norte ng bayang ito.

Nasawi habang nilalapatan ng lunas sa Good Samaritan Hospital ang biktimang si Isagani Sarmiento, 46, may asawa ng nabanggit na barangay, samantala, dalawa sa tatlong suspek ay nadakip na sina Roberto Alacon, 51 at Emarlito de Leon, 41, ng Brgy. Malimba.

Tinutugis naman ngayon ng pulisya ang isa sa suspek na si Ferdie Castillo ng Sto. Cristo Norte upang papanagutin sa naganap na krimen bandang alas 12:30 ng madaling sa loob ng naturang videoke bar. (Ulat ni Christian Ryan Sta. Ana)