Higit 76% ng balota para sa midterm polls, tapos nang iimprenta

MANILA, Philippines — Natapos nang maimprenta ng Commission on Elections (Comelec) ang mahigit 76% na ng mga balotang gagamitin para sa May 12, 2025 National and Local Elections (NLE).

Batay sa datos na ibinahagi ni Comelec Chairman George Erwin Garcia sa media kahapon, nabatid na hanggang nitong Marso 3, 2025 ng umaga ay umaabot na sa kabuuang 53,894,129 balota ang kanilang natapos na iimprenta.

Ito ay 76.58% ng kabuuang 72 milyong ballot requirement para sa midterm polls.

Bunsod nito, nasa 16,338,956 balota na lamang umano ang kailangang iimprenta ng Comelec para sa eleksiyon.

Kumpiyansa ang Comelec na matatapos nila ang ballot printing hanggang sa Marso 19.