Bangkay ng sanggol na walang ulo, nakita sa estero sa Maynila
MANILA, Philippines — Isang bagong silang na sanggol na walang ulo ang natagpuan ng isang backhoe operator na naglilinis sa Estero de Valencia, sa Sampaloc, Maynila kahapon ng umaga. Sa ulat ng pulisya, tinatayang nasa pagitan ng apat hanggang anim na buwan na ang sanggol at nakakabit pa rin ang ambilical cord nito.
Ayon sa pulisya, alas-10:00 ng umaga nang mamataan ni Michael Soposo, 41, ang sanggol na nakasilid sa plastic na galon habang naghuhukay sa estero na agad niyang ipinagbigay-alam sa mga opisyales ng barangay na nakakasakop dito.
Hindi pa batid kung sino ang nagtapon sa sanggol pero naniniwala ang barangay na inanod lang sa kanilang lugar ang bangkay. Dinala na ang pugot na sanggol sa Cruz Funeral Homes para dito pansamantalang ilagak.
- Latest
