Higit 500 biyahero stranded sa mga pier

MANILA, Philippines — Iniulat ng Philippine Coast Guard (PCG) na mahigit 500 biyahero at daan-daang mga cargo ang na-stranded sa iba’t ibang mga pantalan sa Southern Tagalog, Bicol at Eastern Visayas dahil sa pananalasa ng bagyong Quinta kahapon.

Nabatid nadakong alas-12 kahapon ng tanghali, may 577 mga pasahero, truck drivers at cargo helpers ang nananatili sa 26 na mga pantalan. Habang naantala rin ang pagbiyahe 473 rolling cargos, 21 barko at 10 motorbancas.

Bukod dito, may 121 sasakyang pandagat at 51 motorbanca ang kinaila­ngang ilikas sa pagkaka-angkla sa karagatan at sumilong bilang ‘precautionary measures’ sa banta ng bagyo.