Oil firms nagtaas ng presyo

MANILA, Philippines - Ngayong Araw ng mga Puso ay  nagpatupad muli nang taas presyo ng kanilang produkto ang mga kumpanya ng langis na pinangunahan ng PTT Philippines, Total Philippines at Seaoil.

Tumaas ng P0.20 kada litro ang kanilang diesel o krudo, na epektibo ng alas-6:00 ng umaga.

Walang paggalaw sa presyo ng kanilang gasolina at kerosene.

Inaasahan mag-aanunsiyo na rin ang  iba pang kumpanya ng langis nang pagtaas ng kanilang diesel.

Ang paggalaw ng presyo ng krudo ay bunsod na rin sa paggalaw ng presyo nito sa pandaigdigang pamilihan.

Matatandaan na noong nakaraang Martes, Pebrero 7 ng taong kasalukuyan ay nagkaroon ng pagtaas ng pres­yo ng kanilang diesel at gasolina.