Kawatan na riding-in-tandem aktibo sa Quezon City
MANILA, Philippines – Aktibo ang kawatan na riding-in-tandem sa Quezon City nang ito ay makapa ng biktima ng dalawang ginang sa magkahiwalay na insidente.
Ang unang insidente ay naganap dakong alas-10:06 ng gabi nang tutukan ng baril ang biktimang si Geoel Marie Quico, 33, habang kasama ang hipag nito ng riding-in-tandem sa sa may F. Bautista St., San Pedro St., Brgy. Damayan at pilit na kinuha ang dala niyang cellphone at wallet at pagkatapos ay mabilis na nagsitakas.
Ilang minuto ang nakakalipas ay umatake rin ang riding-in-tandem at hinoldap ang ikalawang biktima na si Jennifer Charisma H. Pallasigue, 32 na tinutukan ng baril sa ulo sa Brgy. Ramon Magsaysay, Cotabato St., Bago Bantay ng naturang lungsod.
Ayon kay Pallasigue, nasa sasakyan siya nang mapansin na may kasalubong silang naka-motor kaya’t pinalampas nila ito bago sila nag-park. Subalit, paglabas ng sasakyan ay mismong sa kalye at harap ng isang karinderya bumaba ang isa sa mga suspek at tinutukan at pilit na kinuha ang dalang bag.
Ayon sa pulisya na iisa lang deskripsyon ng mga suspek sa dalawang insidente.
- Latest
