1 milyong lagda nakalap...Sigaw na hustisya kay Nicole, patuloy

MANILA, Philippines - Nakalikom na ng mahigit isang milyong lagda ang isang religious community para sa kanilang kahilingan na hustisya sa pitong taong gulang na si Stepahine Nicole Ella na nasawi matapos tamaan ng ligaw na bala noong kasagsagan ng pagsalubong ng Bagong Taon. Ayon kay Renato Franco, pastor ng Lord’s Flock Sanctuary Church, tinatayang may isang milyong lagda na  mula sa kanilang grupo at  mga taong nagmamalasakit ang kanilang nakalap para sa paghahangad ng hustiya sa naging kamatayan ni Nicole. Matatandaan, na kamakailan ay nag-negatibo sa ballistic result ang mga suspek na sina Grene “Nilo” Da  at Johnny Agus, na naunang dinakip ng mga pulis dahil sa posibleng sangkot sa pagkamatay ni Nicole. Umaasa ang grupo ni Franco at pamilya ni Nicole na gagawing lahat ng mga awtoridad ang kanilang maaring gawin para mabigyan ng hustisya ang pagkamatay ng biktima.