^

PM Sports

Min nagdomina sa Pagudpud Stage 6

Russell Cadayona - Pang-masa
Min nagdomina sa Pagudpud Stage 6
Inangkin ni Kyeong Min Ho ng Seoul Cycling Team ang Pagudpud Stage Six ng MPTC Tour of Luzon 2026.
Russell Palma

PAGUDPUD, Ilocos Norte, Philippines — Nang makakita si Kyeong Ho Min ng Seoul Cycling Team ng pagkakataong rumemate ay hindi na siya napigilan.

Mula sa isang five-man lead pack ay mag-isang tinawid ni Min ang finish line para pagharian ang 223.7-kilometer Stage Six ng MPTC Tour of Luzon 2026 kahapon dito sa Pagudpud Municipal Hall.

Naglista ang 29-anyos na si Min ng tiyempong limang oras, 12 minuto at 13 segundo para sa kanyang unang individual stage win matapos tulungan ang Seoul Cycling Team sa panalo sa Stage Two Team Time Trial.

Tinalo ng 2017 Tour of Korea champion sina back-to-back stage winner Ivan Anisimov ng LCW UAE Cycle (05:14:29) at Ronald Oranza ng Standard Insurance Philippines (05:14:29) na tumapos sa ikalawa at ikatlo, ayon sa pagkakasunod.

“It was not my plan because I was aiming for tomorrow’s (Individual) Time Trial, but then I saw that the others were struggling on the climb, so I got the chance and I took it,” sabi ni Min.

Umarangkada si Min sa huling 10 kilometro para iwanan ang grupo nina Mervin Corpuz (7-Eleven Cliqq Roadbike Philippines) Rench Bondoc (Go for Gold Philippines), Jexxel Azur (Standard Insurance Phi-lippines) at Noor Rosei­di (Malaysia National team) para sa kanyang solo win sa 1,821.1-kilometer, 14-stage race na inihahandog ng Philippine Sports Commission katuwang ang Philippine Olympic Committee at PhilCycling.

Samantala, suot pa rin ni Nikita Shulchenko ng LCW UAE Cycle ang yellow jersey sa kanyang oras na 19:01:14 sa General Individual Classification.

“I hope to keep this yellow jersey until the last stage,” wika ng Russian cyclist na hindi pa nanalo ng anumang stage.

Patuloy ding nangu­nguna ang Go for Gold sa General Team Classification sa nahakot na 77:13:38 kasunod ang Standard Insurance at 7-Eleven Cliqq Roadbike Philippines na may 1:01 minutong agwat at Standard Insurance na may 2:48 minuto ang layo.

Pakakawalan ngayong umaga ang Stage Seven 22.9km Individual Time Trial na magsisimula at magtatapos sa Pagudpud Town Hall.

 

MPTC

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with