Pacers ibinaon ng Hawks sa 0-5
INDIANAPOLIS - Humakot si Jalen Johnson ng 22 points at 13 rebounds habang may 21 markers si Nickeil Alexander-Walker sa 128-108 pagdagit ng Atlanta Hawks sa Indiana Pacers sa NBA Cup group play.
Naglaro ang Hawks (3-3) na wala si four-time All Star Trae Young na may sprained right knee.
Pinamunuan ni Pascal Siakam ang Pacers (0-5) sa kanyang 18 points kasunod ang 17 markers ni Jarace Walker.
Hindi naglaro para sa Indiana sina forward Obi Toppin (right foot stress fracture), two-time All-Star Tyrese Halliburton (right Achilles tendon, starters Bennedict Mathurin (foot) at Andrew Nembhard (left shoulder strain) at T.J. McConnell (left hamstring strain).
Sa Chicago, binuksan ng Bulls ang NBA Cup sa pamamagitan ng 135-125 pagsuwag sa New York Knicks.
Kumolekta si Josh Giddey ng career-high 32 points bukod pa ang 10 rebounds at 9 assists para sa Bulls (5-0).
Nagdagdag si Nikola Vucevic ng 6 markers habang may 22 points si Ayo Dosunmo.
Bumida si Jalen Brunson sa Knicks (2-3) sa kanyang 29 points kasunod ang 26 markers ni OG Anunoby.
Sa iba pang laro, tinakasan ng Boston Celtics ang Philadelphia 76ers, 109-108; panalo ang Toronto Raptors sa Cleveland Cavaliers, 112-101; binigo ng Los Angeles Lakers ang Memphis Grizzlies, 117-112; at tinusta ng Phoenix Suns ang Utah Jazz, 118-96.
- Latest
