Mavs nilamog ng Timberwolves

MINNEAPOLIS — Kumonekta si LaMelo Ball ng anim na three-pointers at tumapos na may 22 points bukod sa season-high na siyam na assists para pamunuan ang Minnesota Timberwolves sa 133-94 demolisyon sa Dallas Mavericks.

Umiskor si Bones Hyland ng 24 points mula sa bench para sa pang-limang sunod na ratsada ng Timberwolves (9-3).

Nagdagdag si Ayo Dosunmu ng 18 points, habang may 16 at 14 markers sina Jaden McDaniels at Jonathan Kuminga, ayon sa pagkakasunod.

Nalimitahan si Cooper Flagg sa 12 points matapos umiskor ng 43 markers sa naunang panalo ng Ma­vericks (7-5) sa Indiana Pacers.

Kumana si Zaccharie Risacher ng 22 points at may 10 markers si point guard Kyrie Irving para sa Dallas na nabaon sa isang 15-point deficit sa first half.

Bumanat ang Minnesota ng 36 points sa kabuuan ng third quarter patungo sa pagtatayo ng 103-69 kalamangan papasok sa fourth period.

Tinapos ng Timberwolves ang three-game winning streak ng Ma­vericks.

Kaagad bumira si Ball ng 16 points sa first half at nagsalpak si Hyland ng tatlong 3-pointers para ibigay sa Minnesota ang 67-52 halftime lead.

Isang 17-4 atake sa third period ang ginawa nila para ibaon ang Dallas sa 84-56 tampok ang dunk ni Rudy Gobert mula sa alley-oop pass ni Ball.

Sa iba pang laro, panalo ang Philadelphia 76ers sa Toronto Raptors, 123-112; wagi ang Phoenix Suns sa Charlotte Hornets, 101-96; at tinalo ng Detroit Pistons ang Washington Wizards via double overtime, 144-140.