ZUS Coffee, Choco Mucho unahan sa quarterfinals spot
MANILA, Philippines — Paglalabanan ng Pool B No. 4 ZUS Coffee at Pool A No. 5 Choco Mucho ang quarterfinal ticket sa crossover knockout round ng 2025 Premier Volleyball League (PVL) on Tour sa PhilSports Arena sa Pasig City.
Magduduwelo ang Thunderbelles at Flying Titans ngayong alas-6:30 ng gabi matapos ang banatan ng Pool A No. 4 Petro Gazz Angels at Pool B No. 5 Akari Chargers sa alas-4 ng hapon.
Unang nakamit ng mga Pool A winners PLDT High Speed Hitters at Nxled Chameleons at Pool A seeded Cignal HD Spikers at Creamline Cool Smashers ang outright quarterfinal berths.
Sumunod ang Chery Tiggo Crossovers na sinibak ang Galeries Tower Highrisers, 25-23, 25-22, 25-21, at ang Farm Fresh Foxies na pinatalsik ang Capital1 Solar Spikers, 25-20, 25-15, 25-21, sa crossover knockout phase.
Sa quarterfinals ay magtutuos ang Creamline at Farm Fresh at sasagupain ng Chery Tiggo ang Nxled.
Nagmula ang ZUS Coffee sa 25-9, 22-25, 25-18, 19-25, 6-15 paggupo sa Chery Tiggo.
Yumukod naman ang Choco Mucho sa Petro Gazz, 25-20, 19-25, 24-26, 17-25, sa huli nilang laro sa pool play.
- Latest
