GlobalPort kasado na para sa US Open
MANILA, Philippines — Handang-handa na ang GlobalPort na makipagsabayan sa mahuhusay na tropa sa prestihiyosong US Open Polo Championship na aarangkada sa Miyerkules (Huwebes sa Maynila) sa Wellington, Florida.
Anuman ang maging resulta ng laban, nakatarak na ang pangalan ng GlobalPort sa kasaysayan ng PH sports history sa pagsabak nito sa US Open Polo Championships.
Malaking tulong ito upang mas mapalawak pa ang polo sa bansa maging sa Asian region.
Ang GlobalPort ang kauna-unahang Pinoy team na sasabak sa US Open Polo kung saan mapapalaban ito sa matitikas na tropa sa mundo.
Nasa Bracket I ang GlobalPort.
Makakalaban ng mga nasa Bracket I ang mga nasa Bracket II na pamumunuan ng dating US Open champion teams na La Dolfina Tamera at Park Place.
Unang makakalaban ng GlobalPort ang La Dolfina sa opening day ng torneong may nakalaang $100,000 premyo.
“Luck of the draw again. We are up against a bracket of death. Against two former champion teams of the US Open. First game against La Dolfina Tamera headed by considered to be the GOAT of Polo or the Michael Jordan of Polo, Adolfo Cambiaso,” ani outgoing 1Pacman Partylist representative Mikee Romero.
Matapos ang La Dolfina Tamera, sunod na makakasagupa ng GlobalPort ang BTA sa Marso 30 kasunod ang dating US Open titlist Park Place sa Abril 5.
Maliban kay Romero, hahataw naman para sa GlobalPort sina world No. 4 Bartolome Castagnola, Beltran Laulhe, Lucas Diaz Alberdi at substitutes Nico Escobar at Santos Merlos.
Galing ang GlobalPort sa matagumpay na kampeonato sa Sterling Cup kung saan tinalo nito ang defending champion Maltese Falcons, 12-11 via overtime sa Finals.
- Latest
