4th win dinagit ng Hawks
ATLANTA — Naglista si Trae Young ng 12 points at 15 assists para sa kanyang ika-15 double-double sa season at dinagit ng Hawks ang New Orleans Pelicans, 124-112, para sa kanilang ikaapat na sunod na ratsada.
Umiskor si De’Andre Hunter ng team-high 22 markers mula sa bench para banderahan ang Atlanta (11-11).
Naglista si CJ McCollum ng 29 points para sa New Orleans (4-18) na bagsak sa pang-siyam na dikit na kamalasan.
Nagdagdag si Dejounte Murray ng 10 assists at 7 points sa kanyang pagbabalik sa Atlanta matapos i-trade ng Hawks sa Pelicans na problemado sa kanilang mga injured players.
Kasama sa injury list ng New Orleans sina star players Zion Williamson at Brandon Ingram.
Sa Boston, humataw si Jaylen Brown ng 29 points habang may 25 markers si Payton Pritchard sa 108-98 pagpapatumba ng nagdedepensang Celtics (17-4) sa Miami Heat (9-10).
Sa Minneapolis, kumamada si Julius Randle ng 18 points at humakot si center Rudy Gobert ng 17 points at 12 rebounds para gabayan ang Minnesota Timberwolves (10-10) sa 109-80 pagpulbos sa Los Angeles Lakers (12-9).
Sa Chicago, nagposte si Josh Giddey ng triple-double na 20 points, 13 rebounds at 11 assists para banderahan ang Bulls (9-13) sa 128-102 pagsuwag sa Brooklyn Nets (9-13).
- Latest
