Bulls, Heat pag-aagawan ang No. 8 berth sa playoffs
TORONTO — Kumamada si Zach LaVine ng 39 points habang may 23 markers si DeMar DeRozan para igiya ang Chicago Bulls sa 109-105 pagpapatalsik sa Raptors sa play-in tournament game.
Humakot si center Nikola Vucevic ng 14 points at 13 rebounds para sa pagbangon ng Chicago mula sa 19-point deficit sa third period.
Sasagupain ng Bulls ang Miami Heat para sa No. 8 seat sa Eastern Conference playoffs at ang mananaig ang haharap kay Giannis Antetokounmpo at sa Milwaukee Bucks sa first-round series.
Tumipa si Fred VanVleet ng 26 points at 12 rebounds at may 32 markers si Pascal Siakam sa pagtatapos ng season ng Raptors.
Kinuha ng Toronto ang 66-47 abante sa third quarter kasunod ang pag-iskor ni LaVine ng 17 points sa nasabing yugto para idikit ang Chicago bago humataw ng 13 markers sa fourth period.
Sa New Orleans, isang go-ahead baseline jumper at apat na free throws ang ipinasok ni Shai Gilgeous-Alexander sa huing 29 segundo para sa 123-118 pagsibak ng Oklahoma City Thunder sa Pelicans sa Western Conference play-in tournament.
Lalabanan ng Thunder ang Minnesota Timberwolves para sa No. 8 spot at ang mananalo ang tatapat sa No. 1 Denver Nuggets sa NBA playoffs first-round series.
- Latest
