Ilang NBA stars hindi lalaro sa Pasko

NEW YORK — Ilang NBA superstars ang posibleng hindi maglaro sa Araw ng Pasko.

Kabilang dito si Phoenix Suns guard Devin Booker na hindi lalaro sa pagsagupa sa Denver Nuggets sa kanilang Christmas night home game.

Ito ang ikatlong sunod na laro na hindi sasalang sa aksyon si Booker matapos magkaroon ng injury sa third quarter sa kabiguan ng Suns sa bisitang Indiana Pacers noong nakaraang linggo.

Maaari ring hindi suma­bak sa Christmas Day game sina Los Angeles Lakers stars Anthony Davis (shoulder) at LeBron James (injury management).

Kapwa naglaro sina Davis at James sa home loss ng Lakers sa Detroit Pistons noong Lunes.

Uupo rin sa bench ng Nuggets si Jamal Murray dahil sa kanyang ankle injury.

May sakit naman si Jayson Tatum at hindi maigigiya ang Boston Celtics kontra sa bisitang Philadelphia 76ers.

Wala siya sa pagkatalo ng Celtics sa Orlando Ma­gic noong Lunes.

Posibleng magpahinga si Dallas Mavericks star Luka Doncic sa kanilang home game laban sa Minnesota Timberwolves.