Butler gustong umalis sa Heat

MIAMI — Tila kaila­ngan nang maghanap ng Heat ng bagong main man matapos magparamdam si Jimmy Butler ng paglipat sa ibang koponan.

Sinasabing gusto ng 35-anyos na six-time All-Star na maglaro alinman sa mga title contenders na Phoenix Suns, Golden State Warriors o Dallas Mavericks.

Habang wala pang formal request para sa isang trade ay handa na si Butler sa kanyang pag-alis sa Miami squad.

Nakatakda ang league trade deadline sa Pebrero 6 kung saan ilan pang superstars ang posibleng tumingin ng ibang tropa.

Isa rito ay si Fil-American guard Jordan Clarkson ng Utah na itinuturing na isa sa mga trade assets ng Jazz team.