Petron, Generika bubuksan ang Superliga Grand Prix

MANILA, Philippines — Matapos ang ilang buwan na paghihintay, magsisimula nang pumalo ang pinakabagong season ng Philippine Superliga (PSL) Grand Prix nga­yong hapon sa The Arena sa San Juan City.

Unang handog na laro ang tapatan sa pagitan ng Petron Blaze Spikers at Generika-Ayala Lifesa­vers sa alas-5 ng hapon at susundan ng bakbakang PLDT Power Hitters at Sta. Lucia Lady Realtors sa alas-7 ng gabi.

Sisimulan ng Blaze Spi­kers ang kampanya pa­ra sa inaasam na ‘three-peat’ sa pagpaparada sa mga bagong mukha sa ka­nilang line-up matapos sumailalim sa ilang bu­wang revamping ang koponan.

Aasahan ni bagong Petron head coach Emil Lontoc si American rein­forcement Khat Bell at mga natirang manlalaro na sina Aiza Maizo-Pontillas, Ces Molina at Rem Palma kasama ang mga recruit na sina Jem Gu­tier­rez, Ging Balse-Pa­bayo at Lut Malaluan.

Samantala, hindi magpapahuli ang Generika-Aya­la na tinapik ang serbisyo ni national men’s volleyball coach Dante Alin­sunurin bilang assis­tant at ba­bande­rahan ni im­port Vi­cet Campos ka­sama sina Rhea Dimaculangan, Mi­na Aganon, Eli Soyud at Chinchin Basas.

Inaasahan naman na magpapabilib ngayong import-laden conference ang bagong bihis na Sta. Lu­cia na ipaparada ang prize-recruit nilang sina Mi­ka Reyes at Jessica Ves­tal at si Canadian import Shainah Joseph na nagpakilala sa pre-season league noong nakaraang bu­wan.

Bagama’t nalagasan ng magagaling na manla­laro sa kanilang kampo ay buo pa rin ang loob ng PLDT na kakayanin ni­lang makipagsabayan sa lahat ng tropa na kasali sa liga sa pangunguna ni French import Maeva Orle katuwang sina Shola Al­varez, Aiko Urdas, Jo­relle Singh at Menchie Tu­biera.

Magkakaroon muna ng maiksing palatuntunan para opisyal na buksan ang panibagong taon ng torneo na mag-uumpisa sa alas-4 ng hapon.