Eala papasok sa Top 150 list

MANILA, Philippines — Inaasahang papasok si Alex Eala sa Top 150 wo­men’s tennis players list sa pagtatapos ng taon.

Bahagyang umakyat si Eala sa No. 148 place sa pinakabagong Women’s Tennis Association (WTA) rankings ngayong linggo.

Galing siya sa No. 149 spot.

Naglalaro si Eala sa kanyang pang-limang taon sa women’s pro circuit.

Nagsimula sa No. 1180 ang 19-anyos na Filipina sensation noong 2020 at unti-unting tumaas sa No. 529 noong 2021 at No. 219 noong 2022 at No. 205 noong 2023.