Robles pumana ng gold sa Macau
MANILA, Philippines — Naibulsa ni national team mainstay Andrea Robles ang gold medal sa 2019 Indoor Archery World Series sa Venetial Hotel sa Macau.
Inilabas ni Robles ang kanyang matikas na porma para gibain si Paige Pearce-Gore ng Unitewd States, 141-135, sa championship round ng women’s compound event.
Umabante sa gold-medal match si Robles nang patumbahin si Sarah Prieels ng Belgium, 146-145, sa semifinals.
Wagi naman si Pearce-Gore sa kababayan niyang si Alexis Ruiz, 147-145, sa hiwalay na semis game.
Nauna nang pinatalsik ni Robles sina Lumeng Xu ng Macau sa first round at Natalie Duncan ng Australia sa quarterfinals (142-139).
Umusad sa knockout stage si Robles matapos pumang-apat sa qualifying round sa naitala niyang 579 points.
Dahil sa kanyang gold-medal finish ay inaasahang aangat si Robles sa world ranking.
- Latest
