Paschall ibinigay ang unang panalo ng Warriors

SAN FRANCISCO – Naitala na ng Golden State Warriors ang una nilang panalo sa season.

Nagsalpak si rookie forward Eric Paschall ng isang three-pointer sa 4:05 minuto ng fourth period at tumapos na may 36 points at 13 rebounds sa paghatid sa Warriors sa 127-118 pa­na­lo kontra sa Portland Trail Blazers.

Ito ang unang home win ng Warriors, nag­laro nang wala ang ka­nilang mga injured stars sa pangunguna nina Ste­phen Curry at Klay Thompson.

Isinigaw ng mga Gol­den State fans ang “MVP, MVP’ nang ibigay ni Paschall ang 107-99 abante sa two-time NBA champions mula sa kanyang triple sa hu­ling apat na minuto ng final canto.

“That was a little cra­zy. For a rookie you hear MVP, that’s a ‘wow’ moment,” sabi ni Pa­schall. “I thank Dub Na­tion for believing in me.”

Nagpasabog naman si Damian Lillard ng 39 points kasama ang li­mang tres sa panig ng Bla­zers.

Sa Memphis, humataw si James Harden ng 44 points at nakabalik ang Houston Rockets mu­la sa masamang laro para kunin ang 107-100 panalo kontra sa Grizzlies.

Si Harden ang gumiya sa Rockets sa panalo matapos magpahinga si Russell Westbrook.

Sa New York, kuma­mada si Kyrie Irving ng 39 points at nalampasan ng Brooklyn Nets ang career-high na 40 mar­kers ni Brandon Ingram para talunin ang New Or­leans Pelicans, 135-125.

Sa Washington, tu­mi­pa si Bradley Beal ng 20 points para sa Wi­zards 115-99 paggupo sa Detroit Pistons.