Mula No. 2, No. 63 na lang si Pacquiao sa listahan ng Forbes

MANILA, Philippines - Mula sa pagiging No. 2 noong 2015 ay nahulog si Manny Pacquiao sa No. 63 sa listahan ng mga highest paid athletes ng Forbes para sa taong ito.

Ang pag-angat ni Pacquiao sa No. 2 noong nakaraang taon ay mula sa kanyang super fight kay Floyd Mayweather Jr. noong Mayo na siyang ikinunsiderang pinakamalaking boxing event.

Natalo si Pacquiao at nagkaroon ng shoulder injury na pumuwersa sa kanya para magpahinga hanggang matapos ang 2015.

“Pacquiao’s fight with Floyd Mayweather in May 2015 set every financial record in the history of boxing, including PPV buys (4.6 million), gate ($73 million) and total revenue ($600 million), and rewarded him with a $125 million payday,” sabi ng Forbes kay Pacquiao.

Ngunit ngayong taon ay isang beses lamang lumaban si Pacquiao at ito ay nang talunin niya si Timothy Bradley noong April bago ihayag ang kanyang pagreretiro.

Inihayag ng Forbes na nakakuha si Pacquiao ng kabuuang $25 milyon ngayong taon kasama ang $24 milyon sa salary at $2.5 milyon sa endorsements.

Kamakailan ay nanalo si Pacquiao sa national election para mailuklok sa Philippine Senate.

 “Manny Pacquiao says he is retired ‘as of now’ after his April bout with Timothy Bradley where he banked a $20 million purse plus his cut of Filipino TV money,” wika ng Forbes.

“He’s earned $500 million during this career from purses, pay-per-view and endorsements. Pacquiao was elected to the Filipino Senate in May after first being elected to the House of Representatives,” dagdag pa nito.

Ayon pa sa Forbes, nakaapekto sa mga endorsements ni Pacquiao ang kanyang pahayag sa same-sex relations kung saan  binitawan siya ng Nike.

“He was once a marketing darling with companies like Nike, Foot Locker, Hewlett-Packard and Nestle, but companies avoided the eight division world champ after his 2016 comments comparing gay people to animals,” sabi ng financial media firm.