Timberwolves’ star guard bibisita sa bansa

MANILA, Philippines – Nakatakdang bumi­sita sa bansa si Minne­sota Timberwolves’ point guard Ricky Rubio ngayong bu­wan bilang bahagi ng kanyang two-country tour.

“Happy to announce that I will be on an In­ter­national Tour this Au­gust visiting the Phi­lippines and Dubai,” sa­bi ni Rubio sa kanyang Twitter account @ric­ky­rubio9.

Darating sa bansa si Ru­bio, isang Spaniard na nahugot ng Timber­wolves bilang No. 5 overall noong 2009 NBA Draft, sa Agosto 20 bilang isang Adidas mo­del bago dumiretso sa Dubai sa Agosto 24 bi­lang special guest ng Basicball Academy Sum­mer Camp.

Ngayon pa lamang ay nasasabik na ang 24-anyos na si Rubio.

“Bucket list: visit Phi­lippines,” wika ni Ru­bio sa kanyang Twitter account na may 1.76 million followers.

Bagama’t na-draft no­ong 2009, naglaro la­mang si Rubio sa NBA noong 2011 at sa kanyang four-year span ay nagtala siya ng mga ave­rages na 10.2 points, 8.2 assists, 4.3 rebounds at 2.3 steals sa 202 games.

Bilang isang 15-an­yos, naglista si Rubio ng 51 points, 24 rebounds, 12 assists at 7.0 steals para igiya ang Spain sa 110-106 overtime victo­ry laban sa Russia sa fi­nals ng FIBA Europe Under-16 Championship siyam na taon na ang nakakaraan.

Darating din sa ban­sa ngayong buwan sina Denver Nuggets’ star Ken­neth ‘The Manimal’ Fa­ried at San Antonio Spurs’ guard Danny Green para sa promos­yon ng NBA 3X Philip­pines 2015 sa Mall of Asia Arena sa Pasay Ci­ty.