Kings, Elite patuloy ang pagbulusok Energy at Texters sumalo sa unahan
MANILA, Philippines – Maging ang paghugot ng Blackwater kay naturalized center Marcus Douthit ay hindi nakatulong sa kanila para malasap ang ika-13 sunod na kamalasan sa una nilang PBA season.
Umiskor si import Richard Howell ng 19 sa kanyang game-high na 29 points sa fourth quarter para tulungan ang Talk `N Text Tropang Texters sa 88-78 paggiba sa Elite at makisalo sa liderato ng 2015 PBA Commissioner’s Cup kagabi sa Alonte Sports Arena sa Biñan, Laguna.
Sa naturang arangkada ng Talk ‘N Text sa final canto ay naungusan nila ang Blackwater sa iskoran, 28-12.
Kumamada si Howell ng 17 sa 24 puntos ng Tropang Texters sa nasabing ratsada sa final canto kung saan nila kinuha ang 13-point lead, 84-71, sa huling limang minuto laban sa Elite mula sa 60-66 pagkakaiwan sa third period.
Nagdagdag si Howell ng 21 rebounds para sa pagsosyo ng Talk ‘N Text sa Meralco sa liderato, habang may 22 markers si guard Jayson Castro.
Tumapos si Douthit na may 14 points para sa Blackwater sa ilalim ng 19 ni Bryan Faundo.
Sa ikalawang laro, tumalbog ang tangkang three-point shot ni Joseph Yeo para sa Barangay Ginebra na nagtakas sa 69-68 panalo ng Barako Bull.
Ito ang ikalawang sunod na ratsada ng Energy para makisalo sa Tropang Texters at Meralco Bolts sa pangunguna.
Nalasap naman ng Gin Kings ang kanilang ikalawang dikit na kabiguan.
Umiskor si guard Chico Lanete ng 17 points para sa Barako Bull kasunod ang 14 ni JC Intal at 13 ni seven-foot import Solomon Alabi.
May 18 points si Greg Slaughter para sa Ginebra kasunod ang 11 ni balik-import Michael Dunigan at 10 ni Mark Caguioa.
TALK N’ TEXT 88 - Howell 29, Castro 22, Washington 8, Alas 8, Miller 8, De Ocampo 7, Carey 2, Williams 2, Aban 2, Labagala 0, Fonacier 0, Espiritu 0, Reyes 0.
Blackwater 78 - Faundo 19, Douthit 14, Acuña 12, Heruela 10, Celiz 7, Timberlake 5, Gamalinda 5, Reyes 4, Erram 2, Austria 0, Laure 0, Ballesteros 0, Bulawan 0, Ciriacruz 0.
Quarterscores: 19-17; 41-39; 60-66; 88-78.
BARAKO 69 – Lanete 17, Intal 14, Alabi 13, Marcelo 11, Mercado 7, Garcia 5, Lastimosa 1, Pascual 1, Peña 0, Hubalde 0, Salvador 0, Wilson 0, Salva 0, Paredes 0, Sorongon 0.
Ginebra 68 – Slaughter 18, Dunigan 11, Caguioa 10, Baracael 8, Yeo 7, Urbiztondo 5, Tenorio 4, Mamaril 3, Aguilar 2, Monfort 0, Helterbrand 0, Ababou 0, Ellis 0, Brondial 0.
Quarterscores: 15-12; 28-34; 50-50; 69-68.
- Latest
