Barriga, Suarez ‘di kasali sa SEAG
MANILA, Philippines - Maski ang mga anino nina Olympian Mark Anthony Barriga at Asian Games silver medalist Charly Suarez ay hindi makikita sa darating na Southeast Asian Games sa Singapore.
“Iyon ang unang hinanap ko at talagang wala ang pangalan ng dalawa,” wika ni POC 1st Vice President Joey Romasanta kina Barriga at Suarez.
Nagpulong ang working committee na binuo ng POC sa pangunguna ni Chief of Mission Julian Camacho noong Miyerkules para hingiin sa mga sasaling NSAs ang pangalan ng atletang puwedeng isama sa pambansang delegasyon.
Ang Olympian na si Barriga at ang Incheon Asian Games silver medalist na si Charly Suarez ay parehong inaasahan na maghahatid ng gintong medalya sa SEA Games pero hindi isasama dahil kakampanya sa AIBA Pro Boxing na isa ring Rio Olympics qualifier.
- Latest
