TNT-SBP U18 Tatluhan

MANILA, Philippines - Lalarga bukas ang klasikong half-court playground basketball sa pagdaraos ng 2014 Talk ‘N Text-SBP U18 3x3 Tatluhan Finals sa Pearl Sports Complex sa Harri­son Plaza, Manila.

Kabuuang 20 four-man teams na nagmula sa buong bansa ang makikita sa aksyon matapos ang pang alas-11 ng umagang opening ceremony.

Ang maghahari sa tor­neo ang kakatawan sa ban­sa para sa 3x3 FIBA World Tour-Asia Pacific Leg na nakatakda sa Hul-yo 19-20 sa Fashion Hall ng SM Megamall.

Ang mangungunang da­lawang koponan ng na­tu­rang torneo ang maka­ka­paglaro sa 3x3 FIBA World Championship sa Tokyo sa Oktubre.

Ang mga nakapasok sa finals matapos ang mga regional qualifying tour­­naments ay ang St. Louis-LHS-B mula sa Ba­guio City, Team Wowie (Cauayan, Isabela), Team DDDV-B (Dagupan), UA-3 (Pampanga/Olongapo City), Team USA College (Iloilo), Team Faith (Ta­nauan, Batangas), SHS Ate­neo 1 (Cebu), Team Ti­tans (Naga City), Team Man­darayo Boys (Lucena, Quezon), Golden City (Sta. Rosa, Laguna), Cenn Taynan (Kidapawan, Cota-bato), Red Rooster (Zamboanga City), Holy Cross Crusaders (Davao City), Ba­rangay Gusa (Cagayan de Oro), Team Davies A (Ba­colod City), AMA 2 (Na­tional Capital Region-Central), Barangay Signal D (NCR-South), San Juan 1 (NCR-PNG), Caloocan Team (NCR-North) at Aroro Team (Ormoc).

“We in SBP are proud to launch our centerpiece grassroots development program,” sabi ni SBP executive director Sonny Bar­rios. “It supports not on­ly the development of the game all over the coun­try but also focuses on our youth, including those out of school.”

  Binubuo ng mga players na may edad 18-anyos pababa, ang mga finalists ay hahatiin sa apat na grupo at maglalaro ng single round elimination.

Ang top two teams mu­la sa bawat grupo ang pa­pasok sa Last 8 para sa crossover matches.

Ang mga mananalo sa Last 8 ang aabante sa se­mifinals patungo sa finals na may nakalaang prem­yong P35,000.

Ang runnerup ay tatanggap naman ng P20,000, ha­bang ang third place ay bi­bigyan ng P15,000 at ang fourth place ay mag-uuwi ng P10,000. Bilang dagdag na insentibo, ang Talk ‘N Text ay magbibigay ng P5,000 sa mga koponang papasok sa Last 8.