No. 3 berth kinuha ng Alaska kontra San Mig Coffee Ginebra hulog sa no. 8

MANILA, Philippines - Ang nagdomina sa eli­mination round na Talk ‘N Text ang makakasagupa ng Barangay Ginebra sa quarterfinal round.

Ito ay matapos talunin ng Rain or Shine Elasto Painters ang Gin Kings sa overtime, 105-101, para angkinin ang No. 4 berth sa quarterfinals ng 2014 PBA Commissioner’s Cup kahapon sa Smart Ara­neta Coliseum.

Lalabanan ng No. 1 Talk ‘N Text ang No. 8 Gi­nebra sa quarters bitbit ang ‘twice-to-beat’ advantage kagaya ng dala ng No. 2 San Miguel Beer laban sa No. 7 Air21.

Makakaharap naman ng No. 4 Rain or Shine ang No. 5 Meralco at mag­­tatagpong muli ang No. 3 Alaska at ang No. 6 San Mig Coffee sa kani-kanilang best-of-three series na sisimulan ngayon.

Pinangunahan nina Paul Lee, import Wayne Chism at Jervy Cruz ang produksyon ng Elasto Pain­ters sa overtime period sa kanilang 104-99 abante sa Gin Kings sa hu­ling 10.3 segundo.

“This is where we wan­­ted to be. We only wan­ted to be in the quarters on an even matchup without any disadvantage and we got it,” ani Rain or Shine coach Yeng Guiao.

Tumapos si Chism na may 30 points kasunod ang 25 ni Lee.

Umiskor si two-time PBA Best Import Gabe Freeman ng 29 markers sa panig ng Ginebra.

Sinamantala naman ng Alas­ka ang hindi pag­lalaro ni­­­na import James Mays (respiratory tract in­­­fec­tion), forward Marc Pin­gris (bruised left rib) at rookie guard Justin Mel­ton (fractured finger), ha­bang ipinahinga ng San Mig Coffee si two-time PBA MVP James Yap.