Wall, Nene itinakas ang Wizards sa Pelicans

WASHINGTON -- Na­­ging tahimik ang gabi para kay John Wall.

Hanggang kinaila­ngan ng Washington Wi­zards ang All-Star guard pa­ra manalo.

Nagdribol sa perimeter sa huling mga segundo ng laro kung saan naiwanan ang Washington ng isang puntos, nakita ng lib­re si Wall.

Sumalaksak siya at na­kakuha ng depensa ka­su­nod ang kanyang pasa kay Nene para sa game-winning slam dunk ng sen­tro sa natitirang 0.9 se­gundo na naglusot sa 94-93 panalo ng Wizards kon­tra sa New Orleans Pe­licans.

“I just prayed,” wika ni Nene. “I wanted to fi­nish with the ball in my hands. They put the ball into my hands. John, he did amazing, penetration right there, he found me right there.”

Isinalpak ang dunk sa kanyang kanang kamay, tumapos si Nene na may 30 points para tumbasan ang kanyang career high.

Ngunit ang pagpasa kay Nene ay wala sa isip ni Wall.

“I wanted to shoot a jump shot,” ani Wall. “I saw Anthony Davis come and I wanted to whip it around to (Marcin Gortat.) But I saw (Jeff) Wi­they come at the same time and I saw Nene right there and that was the ea­siest, safest pass and lu­ckily he got it off in time.”

Nakuha ng Pelicans ang 93-92 bentahe sa hu­ling 7.0 segundo mula sa dalawang free throws ni Davis.

Tumawag ang Wi­zards ng timeout para sa diskarte ni Wall.

Humakot si Davis ng 26 points at 11 rebounds pa­ra sa New Orleans.

Sa Salt Lake City, kumolekta si Kevin Love ng triple-double para igiya ang Minnesota Timberwolves sa 121-104 paggi­ba sa Utah Jazz.

Nagtala si Love ng  37 points, 12 rebounds at 10 assists para sa kanyang unang career triple-double.

Muling naglaro ang Min­­nesota na wala sina starters Nikola Pekovic (ankle) at Kevin Martin (finger).

Nagdagdag si Ricky Ru­bio ng 15 points, habang may tig-13 sina Co­rey Brewer at Chase Bu­dinger para sa Timberwolves.