6/55 draw tututukan ngayon

MANILA, Philippines - Tiyak na tututok uli ang mga panatiko sa lotto sa draw na gagawin sa 6/55 Grand Lotto dahil sa inaasahang pagpalo ng jackpot prize sa mahigit na P130 milyon.

Lumusot ang P129,504,636.00 jackpot prize noong Miyerkules nang hindi tinamaan ang lumabas na kumbinasyon na 38-21-03-22-50-28.

Huling may naging milyonaryo sa 6/55 ay nangyari noon pang Nobyembre 16 nang tinamaan ang P30 milyon pot ng isang masuwerteng mananaya.

Isasabay din sa bolahan ngayong gabi ang 6/42 at mahigit anim na milyon ang premyong paglalabanan dito.

Hindi rin tinamaan ang P6M pot noong Huwebes sa lumabas na mga numerong 12-29-11-33-22-36. (AT)