Kung ayaw ni Marquez si Bradley na lang uli
MANILA, Philippines - Dahil sa inaasahang paghingi ni Juan Manuel Marquez ng malaking premyo para sa kanilang pang-limang paghaharap, si Timothy Bradley, Jr. ang magiging prayoridad ni Manny Pacquiao.
Ito ang sinabi ni chief trainer Freddie Roach matapos ang dominanteng unanimous decision win ni Pacquiao kay Brandon ‘Bam Bam’ Rios para sa World Boxing Organization (WBO) International welterweight title noong Linggo sa Macau, China.
“I’m not sure if we can get him to agree to that, he wants a lot of money,†wika ni Roach kay Marquez na nagpabagsak kay Pacquiao sa sixth round sa kanilang ikaapat na paghaharap noong Disyembre 8, 2012.
Bago matalo kay Marquez ay naisuko muna ni Pacquiao ang kanyang WBO welterweight crown via split decision noong Hunyo 9, 2012 kay Bradley.
Ayon kay Roach, si Bradley ang gusto niyang labanang muli ni Pacquiao sa susunod na taon.
“Bradley is out there. I think Bradley is someone that we have to avenge that loss, even though he won that fight so easily,†ani Roach kay Bradley na tinalo si Russian Ruslan Provodnikov sa kanyang unang pagdedepensa noong Marso.
Si Provodnikov, ang bagong WBO light welterweight titlist, ay dating sparmate ni Pacquiao.
Muling naipagtanggol ni Bradley ang kanyang WBO championship belt laban kay Marquez noong Setyembre.
- Latest
