Pacquiao hindi nag-iisip ng susunod niyang laban

MANILA, Philippines - Sinasabi ng mga bo­xing experts na kayang-ka­ya niyang talunin si Brandon ‘Bam Bam’ Ri­os sa kanilang laban sa Nobyembre 24 sa Macau, China.

Ngunit hindi binabalewala ni Manny Pacquiao ang lakas ni Rios pero kumpiyansa siyang mana­nalo.

“Right now I am not thinking about the next fight. What I have right now is focus on my training and preparation for Rios so I can be sure that victory is mine,” wika ni Pacquiao sa isang teleconference mula sa General Santos City.

Kasalukuyang nagsasanay si Pacquiao sa Ge­neral Santos City kasama si chief trainer Freddie Roach.

“My training for this fight has been unique and my training camp has been very long for this fight,” ani Pacquiao.

“My preparation has been going very well so I think it is going to be an exciting fight. I have gi­ven over 100% to my preparation for this fight,” dagdag pa ng Filipino world eight-division champion.

Samantala, sinabi naman ni Bob Arum ng Top Rank Promotions na si­numan kina Juan Ma­nuel Marquez, Timothy Brad­ley, Jr. at Ruslan Pro­vodnikov ay maaaring la­banan ni Pacquiao kung mananalo siya kay Rios.

“Manny has unfi­nished business with Tim Bradley,” ani Arum.