Wall pumirma ng maximum contract

MANILA, Philippines - Marami ang nagtatanong kung karapat-dapat ba si John Wall na tumanggap ng maximum contract base sa bagong collective bargaining agreement?

Nagkaroon ito ng kasagutan nitong Miyerkules nang iulat ni Michael Lee ng Washington Post na nagkasundo si Wall at ang Wizards sa 5-year contract extension  na aabot sa $80 million.

Ang extension ay magsisimula sa 2014-15 season, ayon kay Lee na nangangahulugang magbabayad ang Wizards kay  Wall ng $7.46 million sa susunod na taon na siyang second-to-last season ng kanyang rookie deal, bago magsimula ang kanyang contract extension.

 Ang naturang maximum contract ay magpapanatili kay Wall sa D.C. hanggang 2018-19 season. Kinumpirma ng Wizards ang deal  ngunit hindi nila sinabi ang mga detalye.

“Since drafting John with the first overall pick, we have been impressed with his maturation, hard work and commitment to our franchise,” sabi ni owner Ted Leonsis. “He is the cornerstone of our team, and we have clearly expressed our desire to build around him well before making it official by re-signing him today. We are extremely confident in his leadership abilities and are excited to see the continued improvement of the team,” ayon sa statement ng Wizards.

“I am both proud and humbled by the belief that the Wizards organization, the fans and my teammates have shown in me since I arrived here three years ago,” sabi naman ni Wall. “I can promise all of them that I will repay that belief by representing the city of Washington and doing everything I can to get this team back where it belongs.”