UAAP season 76 accreditation

MANILA, Philippines - Tinatanggap na ang media accreditation para sa Season 76 ng University Athletic Association of the Philippines (UAAP)  na magbubukas sa June 29 sa Mall of Asia Arena.

Maaaring mag-apply ang mga reporters at photographers mula sa mga national dailies at tabloids gayundin sa mga campus publications at online outfits sa [email protected].

Magbibigay ang UAAP ng maximum na apat na ID cards sa bawat media outfit-- isa para sa primary reporter, isa para sa photographer at tig-isang generic card para sa alternate reporter at photographer.

Ang  UAAP Season 76 ay mag-a-accredit lamang ng maximum na apat na reporters (writers) at apat na photographers para sa bawat media outfit.