Pacquiao nalaglag sa No. 6 sa Yahoo! Sports rankings
MANILA, Philippines - Sadyang malaki ang epekto ng dalawang sunod na kabiguan ni Manny Pacquiao noong nakaraang taon.
Sa boxing rankings ng Yahoo! Sports, nahulog ang Filipino world eight-division champion sa No. 6.
Matapos ang kanyang kontrobersyal na split decision loss kay Timothy Bradley, Jr. noong Hunyo, tumumba naman si Pacquiao sa sixth round sa kanilang pang-apat na paghaharap ni Juan Manuel Marquez noong Disyembre 8.
Ang nasabing dalawang pagkatalo ang naglaglag sa Sarangani Congressman sa listahan ng Yahoo! Sports.
Nakatanggap ang 34-anyos na si PacÂquiao (54-5-2, 38 KOs) ng 126 points sa ilalim ni super bantamweight titÂlist Nonito ‘The Filipino Flash’ DoÂnaire, Jr. (31-1-0, 20 KOs) na may 207 points para sa No. 5 slot.
Apat na malalaking panalo ang ipinoste ng 30-anyos na tubong Talibo, BoÂhol na si Donaire noong 2012.
Si WBA super welterweight king Floyd Mayweather, Jr. (43-0-0, 26 KOs) ang umangkin sa No. 1 spot sa YaÂhoo! Sports boxing rankings matapos humakot ng 27 sa 31 first-place votes para sa kanyang 303 points.
Sinasabing malabo nang maitakda ang Pacquiao-Mayweather super fight bunga ng magkasunod na kabiguan ni ‘Pacman’ noong 2012.
Para sa kanyang unang laban ngaÂyong 2013, binabalak ni Pacquiao na gaÂwin ito alinman sa Maynila o Singapore sa buwan ng Abril.
Nakipag-usap na ang isang miyembro ng Team Pacquiao kay businessman/sportsman Manny V. Pangilinan paÂra sa nasabing boxing event.
Ngunit gusto naman ni Bob Arum ng Top Rank Promotions na isabak sa aksyon si Pacquiao sa Setyembre.
Kinuha naman ni WBA at WBC suÂper middleweight titlist Andre Ward (26-0-0, 14 KOs) ang No. 2 mula sa kanyang 265 points kasunod sina Marquez (55-6-1, 40 KOs) na nakakuha ng 228 points at WBC middleweight ruler Sergio Martinez (50-2-2, 28 KOs) na nakakolekta ng 215 points.
Ang iba pang nasa Top 10 sa Yahoo! Sports boxing rankings ay sina IBF, WBO at WBA heavyweight champion WlaÂdimir Klitschko (59-3-0, 51 KOs) sa No. 7; Bradley (29-0-0, 12 KOs) sa No. 8; WBC heavyweight titlist Vitali Klitschko (45-2-0, 41 KOs) sa No. 9; at si IBF super middleweight title holder Carl Froch (30-2-0, 22 KOs) sa No. 10.
- Latest
