Jinkee at Mommy Dionisia pinagreretiro na si Pacquiao

MANILA, Philippines - Kagaya ng dapat asa­han, muling hiniling kay Manny Pacquiao ng kan­yang asawang si Jinkee Pacquiao at inang si Mommy Dionisia na mag­retiro na sa pagbobok­sing.

“Kung ako lang talaga ang tatanungin, gusto ko nang mag-retire si Manny,” wika ni Jinkee sa isang panayam kahapon.

Pinabagsak ni Juan Ma­nuel Marquez si Pacquiao sa sixth round sa ka­nilang pang-apat na pag­haharap sa MGM Grand sa Las Vegas, Nevada.

Ilang minutong nanatiling nakadapa ang Sa­ra­n­­gani Congressman ma­ka­raaang tamaan ng right hand ni Marquez.

Sa panayam naman ng Radio dzMM, napaiyak si Mommy Dionisia nang ma­talo si Pacquiao.

“Tama na. Kung ako mag­dedesisyon, gusto ko nang magpahinga siya,” wi­ka ni Mommy Dionisia.

Ayon kay Mommy Dio­nisia, mas mabuti pang tutukan na lamang ni Pacquiao ang kanyang tra­baho bilang Congressman ng Sarangani.

Sa social media, nagu­lantang ang mga Pinoy nang mapanood ang ka­biguan ni Pacquiao.

Ang hashtag na #Ma­naloMataloManYoureStillTheBestPacman ang na­nguna sa trending topics sa Pilipinas, samantalang ang #FilipinoPride ang top trending topic sa buong mundo.

“Heartbreaking. First time ko s’ya nakitang na KO,” sabi ni Twitter user @deSuperDee.

“Nakakasad naman ang nangyari kay Pacquiao,” ani Christian Patiga sa Twitter.