Hiyasmin (74)

“Sorry Sir Dax. Hindi ako nakapag-text o nakatawag man lang,’’ sabi pa ni Hiyasmin nang makapasok.

“Okey lang, Hiyasmin. Nanibago lang ako dahil lagi kang maaga. Nag-alala ako na baka kung ano ang nangyari sa iyo.’’

“Binisita ko si Mama at nakipagkuwentuhan.’’

Na­patangu-tango si Dax.

“Kumain ka na—naggisa ako ng sardinas.’’

“Ikaw tuloy ang nag­luto… sorry uli.’’

“Okey lang yun. Dati ko namang gina­gawa.’’

Nagtungo si Hiyasmin sa kuwarto niya.

Nagtungo naman si Dax sa kusina at pi­naghain si Hiyasmin.

Lumapit si Hiyasmin. Na­upo sa silya.

“Ikaw Sir Dax, kumain ka na?’’

“Oo.’’

Naupo si Dax.

“Kumusta naman ang mama mo?’’

“Okey lang daw po siya, pero hindi ako naniniwala.’’

“Naroon ang stepfather mo?’’

“Wala po. Kung naroon, hindi ako pupunta. Sabi ni Mama, nasa biyahe raw sa malayo. Kaya dinalaw ko siya.’’

“Sinabi mo kung saan ka nakatira?’’

“Hindi po. Gusto ko ilihim ang aking tirahan.’’

(Itutuloy)