Andres at Atasha, tropa lang ang turing kina Aga at Charlene

Hindi stage parents ang mag-asawang Aga and Charlene Gonzalez.

‘Yan nga ang sinigurado ng kambal nilang anak na sina Atasha at Andres Muhlach sa mediacon ng kauna-unahan nilang family sitcom, Da Pers Family, na mapapanood tuwing Linggo simula Hulyo 21, 7:15 p.m., sa TV5.

Ani Andres, “Para sa amin, our parents, we don’t see them as stage parents necessarily. We just see them talaga as, you know, our parents, the people we spend our time with, our loved ones we see everyday, the ones that we miss, you know, our home. And so, hindi naman sila, ano ‘to, stage parents. But we just see them talaga as our loved ones, the ones we look up to, appreciate and siyempre naman, idolize.”

Ayon naman kay Tash, nandiyan lamang sina Aga at Charlene para lagi silang i-guide.

“It’s never about the work, it’s always about your morals, what kind of person you are. So I wouldn’t say stage parents but just actual, true-to-life, very responsible and very kind,” sey pa ng Eat Bulaga Dabarkads.

Hatid ng Studio Viva at MQuest, ang Da Pers Family ay umiikot sa nakakaaliw na kwento ng Persival family na may bakery na tinawag nilang The Bake Haus of You.

Magsisimula ang problema ng pamilya dahil sa kagagawan ng dating BFF ni Aga (ginagampanan ni Roderick Paulate).

Susubukan nitong pabagsakin ang negosyo ng pamilya Persival.

Dito lalabas ang tatag ng pamilya sa pakikipaglaban na mailigtas ang minahal na bakery business.

Siguradong halu-halong emosyon ng lungkot at katatawanan ang hatid ng Da Pers Family lalo pa nga’t kasama rin sa cast ang ilang OG co-stars ni Aga sa now-defunct sitcoms na Oki Doki Dok at Okay, Fine Whatever na sina Roderick at Bayani Agbayani.

Magsisilbi rin itong reunion nina Aga, Charlene, Bayani at Roderick sa Oki Doki Dok director na si Direk Danni Caparas.

Ang iba pang tampok sa star-studded cast ng Da Pers Family ay sina Ces Quesada, Heart Ryan, Chad Kinis, Kedebon Colim, Sam Coloso at marami pang iba.

Kaya abangan ang Da Pers Family tuwing Linggo, simula Hulyo 21, 7:15 p.m., sa TV5.

May catch-up airings din sa Sari-Sari Channel tuwing Lunes, 7 p.m.