Davao City ‘di ligtas sa drug syndicates - Barbers
Kahit balwarte ni ex- President Duterte
MANILA, Philippines — Ultimong ang Davao City kung saan naninirahan ang number 1 enemy ng illegal na droga sa bansa ay hindi ligtas sa pamamayagpag ng mga sindikato ng illegal drug syndicates.
Ito ang inihayag ni Surigao del Norte 2nd District Rep. Robert Ace Barbers na hindi itinago ang pagkadismaya sa report na nasa 37 personnel mula sa Davao City’s Public Safety and Security Office ay nagpositibo sa paggamit ng illegal na droga.
“Even Davao City where the number one enemy of illegal drugs resides, was not spared. This shows us that the problem is indeed serious and the solution is not a walk in the park,” saad ni Barbers, chairperson ng House Committee on Dangerous Drugs.
Ang Davao City ang balwarte ni dating Pangulong Rodrigo Duterte na naglunsad ng madugong giyera kontra illegal na droga sa panahon ng kaniyang administrasyon.
Kasabay nito, nanawagan si Barbers sa PNP at PDEA na aktibong kumilos para lipulin ang source ng illegal na droga sa Davao City.
“Spare no one and leave no stone unturned in getting to the bottom of this mess,” ani Barbers na sinuportahan si Davao City Mayor Sebastian “Baste’ Duterte sa determinado nitong paglaban sa seryosong problema sa droga ng lungsod.
- Latest
