3 bata nahulog sa creek: 2 patay!

CAMP FLORENDO, La Union, Philippines — Dalawang bata ang patay habang isa pa ang nilalapatan ng lunas sa pagamutan matapos mahulog sa malalim na bahagi ng creek at malunod sa Ilocos Norte, kahapon.

Kinilala ng pulisya ang mga nasawi na sina Abriana Kelly Pascua at kanyang pinsan na si  Rheid Bernie Nieves habang ang nakaligtas ay nakilalang si Arjay Pascua, kapwa nasa 3 taong gulang at residente ng Corocor.

Sa ulat, lumalabas na habang naglalaro ang mga biktima nang bigla silang mahulog sa sapa sa may malalim na bahagi ng tubig.

Agad na sumaklolo ang mga rescuers at nang maiahon ang katawan ng tatlong bata ay agad dinala sa Rescuers Bacarra Medical Center subalit idineklarang patay ang dalawa.