Cavite ambush: 4 riders bulagta

CAVITE , Philippines  – Apat-katao na sinasabing may mga naka­binbing kasong kriminal ang napatay makaraang pagbabarilin ng mga hindi kilalang kalalakihan sa kahabaan ng kalsada sa Barangay Malagasang 2G sa Imus City, Cavite kahapon ng madaling araw.

Sa inisyal na ulat ng pulisya na nakarating sa Camp Pantaleon Garcia, magkakaangkas sa tatlong motorsiklo ang mga biktima nang harangin at ratratin sa bahagi ng Mary Cris Homes Subd. sa nasabing barangay.

Hanggang sa kasalukuyan ay  bineberipika pa ang pagkakakilanlan sa mga biktima na tinatayang nasa  edad na 25 hanggang 35 at mga naka-jacket.

Narekober sa crime scene ang mga basyo ng bala ng cal. 45 pistol at tatlong motorsiklo na ginamit ng mga biktima.