OFW arestado sa ikatlong panghahalay
TIAONG,QUEZON, Philippines - Hindi na nakalusot pa ang isang manyakis na Overseas Filipino Worker na itinago sa pangalang Mando Reterdo,31 nang ito ay ireklamo nang panghahalay ng 14-anyos na dalagita na balak niya na muling gahasain sa ikatlong pagkakataon kamakalawa sa Brgy.Poblacion ng nasabing bayan. Sa salaysay ng biktima na itinago sa pangalang Ellaine na siya ay unang ginahasa ng suspek noong Hunyo 15, 2015 at nasundan pa iyon ng sumunod na araw. Tinutukan umano siya ng baril at sinampal ng suspek saka ginahasa. Hindi na nagawang magsumbong ng biktima sa takot na totohanin ng suspek ang bantang papatayin ang mga kaanak. Subalit, kamakalawa ay muling nagtangkang ulitin ng suspek ang panghahalay gayunman ay pumalag na ito at ipinahuli ang suspek.
- Latest
