Nagkayong CEC Dragons miihaw sa Baby Mustangs
CEBU, Philippines — Ang Cebu Eastern College (CEC) Blue Dragons misikad sa ilang kampanya pinaagi sa impresibong 96-41 nga paglampornas sa Cebu Roosevelt Memorial Colleges (CRMC) Baby Mustangs pagsugod sa Cebu Schools Athletic Foundation, Inc. (CESAFI).
Season 24 men's basketball tournament kagahapon didto a Cebu Coliseum.
Sila si Jyle Andrey Roa, Julio Joaquin Larrazabal, ug Lybron James Lamo maoy sayong nagpakayo sa opensiba sa CEC pinaagi sa pagkumbinar og 19 puntos sa dihang ang Dragons misutoy ngadto sa 26-7 nga bentaha human sa nag-unang 10 minutos sa aksiyon. Ang Dragons nakasustinir sa ilang kainit aron pagposte nga 50-14 nga labaw sa halftime, nga ilang giinat ngadto sa makabungog nga 40 points, 68-28, human sa tulo ka kuwarter.
Padayong nagmangtas ang Dragons sa katapusang bahin sa duwa aron silyohan ng 55 puntos nilang demolisyon as Baby Mustangs.
Si Lamo maoy gipasidunggan nga Player of the Game human mipupo og 18 puntos, lima ka rebounds, ug lima ka assists alang sa Dragons.
Wala magpabitin si Roa nga mikadlit sab og 18 puntos, samtang lain pang tulo ang mirehistro og double figures sa balanseng ataki sa CEC. Si Larrazabal mitimbre og 14 puntos ug duha ka rebounds, si Francis Jay Gonzales miamot og 13 puntos, lima ka rebounds ug upat ka assists, samtang si Kenneth Fuller midugang og 12 puntos, lima ka rebounds, ug usa ka assist alang sa Dragons.
Si WBC minimumweight champion Melvin Jerusalem (tuo) ug ang Meksikano niyang challenger nga si Luis Castillo miposing atol sa official weigh-in bisperas sa 12 ka hugna nilang title fight nga gikatakda karong adlawa, Septiembre 22, didto sa Mandaluyong City College gym.
- Latest