Hindi pa tapos ang laban!
Sigaw ng NU
MANILA, Philippines — Tagilid ang defending champion National University matapos makuha ng La Salle ang Game 1 ng UAAP Season 85 women’s volleyball best-of-three championship series kamakalawa sa Smart Araneta Coliseum.
Naitarak ng Lady Spikers ang pahirapang 18-25, 25-22, 22-25, 25-21, 15-13 desisyon kontra sa Lady Bulldogs.
Sa fifth set, tinamaan pa ng dagok ang NU matapos magtamo ng injury si starting middle blocker Sheena Toring.
Maayos naman ang kalagayan ni Toring base sa assessment ng kanilang physical therapist. Subalit wala pang linaw kung makalalaro ito sa Game 2.
Gayunpaman, iisa ang nasa isip ng Lady Bulldogs.
Hindi pa tapos ang laban!
Desidido ang NU na makabawi at maipuwersa ang deciding Game 3 sa oras na makaharap nito ang La Salle sa Game 2 ng championship series sa Linggo na lalaruin sa Mall of Asia Arena sa Pasay City.
“For sure, kasi iyong game kahapon parang dikitan iyong labanan so may chance pa rin kami manalo for Game Two,” wika ni Toring.
Kailangang kumayod ng husto ng Lady Bulldogs upang makahirit ng rubber match.
Solido naman ang opensa ng Lady Bulldogs sa pangunguna nina top spiker Alyssa Solomon at reigning MVP Bella Belen.
Isa sa tututukan ng NU ang errors nito matapos makagawa ng 34 sa Game 1.
- Latest
