Vietnamese ninakawan, ni-rape ng 2 Chinese
MANILA, Philippines — Kalaboso ang dalawang Chinese na nagnakaw at nanghalay pa sa isang estudyanteng Vietnamese sa isang casino resort sa Parañaque City.
Ang mga suspek ay kinilalang sina alyas “Junsong”, 30, at isang alyas “Xinzhi” 26, kapwa residente ng Pixel Residences, Bradco Avenue, Barangay Tambo, Parañaque City.
Sa ulat Southern Police District (SPD) ni Parañaque City Police Station commander, P/Colonel Melvin Montante, ang insidente ay nangyari alas-6:30 ng umaga sa unit ng isa sa suspek sa casino resort l na matatagpuan sa Barangay Tambo, Parañaque City.
Sa imbestigasyon ng pulisya, ka-chat ng biktima si alyas “Junsong” ang suspect at nakipagkita siya sa nasabing hotel.
Nang nasa unit na ang biktima hinila umano siya papasok, at doon binusalan ng tuwalya, sinaktan at ginahasa.
Ang suspek na si alyas Xinzhi naman ang nanakot at pinilit siyang ibigay ang password para mabuksan ang kaniyang cellphone.
Kinuha rin umano ng dalawang suspek ang dalawang ATM cards ng biktima kung saan nakulimbat ng mga suspect ang pera nito.
Bago umalis ang mga suspect ay itinali pa siya nito kung saan nagawa naman niyang makatakas at magsuplong sa pulisya.
Sa isinagawang follow-up operation ay nadakip naman ang mga suspect.
Nakapiit na ang mga suspek na nahaharap sa reklamong robbery with rape sa ilalim ng Paragraph 1 Article 294 ng Revised Penal Code sa Parañaque City Prosecutor’s Office.
- Latest
