4 dayuhan dakma sa mga baril at bala
MANILA, Philippines — Dalawang Chinese at dalawang Vietnamese ang nasakote ng mga tauhan ng pinagsanib na pwersa ng Investigation and Detection Management Section (IDMS) at Special Weapons and Tactics (SWAT) ng Makati City Police Station-Southern Police District, sa isinilbing search warrant, kamakalawa ng gabi.
Kinilala ang mga suspek na sina Kaiyong Zhou, lalaki, 28; Phuong To Chau, babae, 30, kapwa Vietnamese nationals; Li Shusong, lalaki, 33; at Zhang Xiao Bo, lalaki, 22, kapwa Chinese nationals.
Sa ulat, alas-6:00 ng gabi nang isagawa ang operasyon sa ika-8 palapag ng Roxas Residence Tower II, Dasmariñas Condo, na nagresulta sa pagkaaresto ng mga suspek, na nasamsaman ng 3 rilfle at isang pistola at mga bala.
Nang makakuha ang impormasyon kaugnay sa iligal na aktibidad ng mga suspek , inisyuhan ang IDMS ni Makati City 1st Vice Executive Judge Cristina F. Javalera Sulit ng search warrant.
Pinuri ni National Capital Region Police Office (NCRPO) chief, P/Major General Jose Melencio Nartatez Jr. ang mga operatiba.
“This operation is a clear reflection of the NCRPO’s unwavering commitment to protecting the people of Metro Manila from all forms of criminal activity. Our officers acted swiftly and decisively, ensuring that those responsible for illegal activities are brought to justice. We remain vigilant in our mission to uphold the law and secure the safety of every community in the region. Rest assured, the NCRPO will continue to take strong action against those who threaten peace and order, leaving no room for lawlessness,” ani Nartatez.
- Latest
