LGUs pinag-iingat ng Comelec vs illegal voter registrants
MANILA, Philippines — Pinag-iingat ng Commission on Elections (Comelec) ang mga local government units (LGUs) laban sa illegal voter registrants lalo na ngayong papalapit ang 2025 elections.
Ang paalala ay ginawa kasunod ng pangamba ng ilang residente sa Malabon hinggil sa pagdami umano ng nagparehistrong mga botante mula sa iba’t ibang lugar partikular sa CAMANAVA area.
Nabatid na una nang hiniling ng mga residente sa Comelec na gumawa ng hakbang para maiwasan ang illegal voter registrants upang hindi mababoy ang midterm election.
Nais din ng mga residente na busisiin ng Comelec ang mga requirement na ipinapakita ng nagpaparehistrong “outsiders” para masigurong maiiwasan ang dayaan sa araw ng halalan.
Karamihan sa mga illegal registrant ay mga residente ng Navotas na dinala umano sa Malabon. Bukod sa Navotas ay may mga residente rin mula sa Caloocan City, Valenzuela City, Manila, Bulacan at iba pang lugar ang namonitor na nagpaparehistro sa Comelec para maging botante ng lungsod.
Samantala, hiniling din ng naturang nababahalang residente sa kapwa Malabonians na maging alerto, magmatyag at ireport, makipagtulungan sa Comelec para mapigilan ang non-city residents na maging botante sa Malabon.
- Latest