DOH: Tawa-tawa, bayabas at siling labuyo bilang gamot sa dengue, ‘di pa napapatunayan
![DOH: Tawa-tawa, bayabas at siling labuyo bilang gamot sa dengue, �di pa napapatunayan](https://media.philstar.com/photos/2024/06/16/dengue_2024-06-16_23-26-15.jpg)
MANILA, Philippines — Nilinaw kahapon ng Department of Health (DOH) na ang mga halamang tawa-tawa, bayabas, at siling labuyo ay hindi pa napapatunayan bilang gamot sa sakit na dengue.
Sa Health Literacy Conference na isinagawa sa Subic, Olongapo City, sinabi ni Dr. Kim Patrick Tejano, medical officer IV ng DOH-Disease for Elimination and Vector-borne Diseases, hindi inirerekomenda ng mga eksperto ang mga naturang mga halaman upang gamiting panlunas sa dengue.
Aniya, hanggang sa kasalukuyan ay wala pa ring nadidiskubreng remedyo sa naturang karamdaman na nakukuha sa kagat ng lamok.
Ayon may Tejano, mayroon naman aniyang supportive treatment na available ngayon laban sa dengue.
Payo pa niya, sakaling makitaan ng sintomas ng dengue ay kaagad na magpakonsulta sa doktor.
- Latest