DOH: Heat-related illnesses walang pinipiling edad o health status

MANILA, Philippines — Pinayuhan ng Department of Health (DOH) ang publiko na pag-ingatan ang kanilang kalusugan kasunod na rin ng matinding init na nararanasan sa bansa.

Paalala ng DOH, bagamat mas vulnerable ang mga matatanda, mga nakababata, at mga may sakit, ay wala pa ring pinipiling edad o health status ang mga heat-related illnesses.

Babala pa ng DOH, maging ang mga physically fit na indibidwal ay maaari ring mabiktima ng heat related illnesses.

Kaugnay nito, pinayuhan ng DOH ang publiko na uminom ng maraming tubig para makaiwas sa dehydration.

Dapat din umanong iwasan munang magbilad sa araw mula 10am-4pm na katindihan ng sikat ng araw.

Makatutulong din ang pagsusuot ng kumportableng damit kapag matindi ang init ng panahon.